કઈક અંદર મરી ગયું છે
પ્રેમ બળતણ ઠરી ગયું છે
સ્પર્શની લાગણી ના રહી
ટેરવું પણ ડરી ગયું છે
પાંદડું જે નજરમાં હતું
વૃક્ષથી એ ખરી ગયું છે
બદનસીબ છે આ દિલ પણ
કોઈ પાછું ધરી ગયું છે
લીલું છમ ઘાસ જોઈને
ઢોર ઢાખર ચરી ગયું છે
જે જનારું હતું તે ગયું
આંસું આંખે ભરી ગયું છે
માછલી જેવું લપસી ગયું
એક સપનું સરી ગયું છે
જીવવાની ઇચ્છા જુઓ
ડૂબતું જણ તરી ગયું છે
એક ‘સપના’નું માતમ શું?
એક આવ્યું ફરી ગયું છે
0 comments:
ટિપ્પણી પોસ્ટ કરો