દુહામાં પ્રદેશ વર્ણન,
સોરઠ ધરા સોહ।મણિ જ્યાં ગઢ જૂનો ગિરનાર
જ્યાં નિર્મલ વહેતા નીર
ન્યાં હ।વજળા હેઁજણ પિયે ને નમણાં નર ને નાર
ઇ ભો ધરા એંધાણ ગાંડી ગિર
સોરઠ કાળી નાગણી , છંછેડી કરડી ખાય,
પણ ગુરુ મળે જો ગારુડી , નેહે ગળે વીંટળાઈ
કંકુવરણી ભોમકા,
સરવો સાલે માળ ,
નર પટાધર નિપજે ,
ભો દેવકો પાંચાળ .
નદી ખળકે નીર વહે ,
કરે મોર મલાર ,
જ્યાં સાતે રસ નીપજે ,
ભો ધરા હાલાર .
વસતી જ્યાં બહુ મેરની ,
નારી પાતળ પેટ ,
ઘી પથ્થર વખાણિયે ,
ભો બરડો બેટ .
લોટ મા કાંકરી ને,
ભાંભરાં પાણી,
આખાબોલા માનવી,
ઇ ઝાલાવડ ની એંધાણી .
નહીં છાશ છમકો ને છાંયડો,
એવા કેતાક અવગણ કહું,
ભુંડામા ભલુ ઇ કે,
ભાલમાં નીપજે ઘઉં.
ઉંચો ગઢ દ્વારકા ,
પાણા લખ કરોડ ,
સામો સાયર ગડગડે ,
રાજ કરે રણછોડ.
દાઢી એ ઝાઝા કાઇતરા ,
કાંખે ઝાઝા કેશ ,
રાજા જદુવંશ રા ,
ડોલરિયો કચ્છ દેશ.
0 comments:
ટિપ્પણી પોસ્ટ કરો