અભરખા મારવા પડશે મને એની ખબર નહોતી,
વચન પણ આપવા પડશે મને એની ખબર નહોતી !
પ્રણયનો હાથ પકડીને ભવેભવ પાર કરવા'તા-
કિનારા તાકવા પડશે મને એની ખબર નહોતી !
આ કેવો પ્યાર પામ્યો છું નિખાલસતા ગુમાવીને ?
રહસ્યો ઢાંકવા પડશે મને એની ખબર નહોતી !
હું પટ્ટી આંખ પર બાંધી ફિકરને નાથવા ગ્યો'તો-
કદમ સંભાળવા પડશે મને એની ખબર નહોતી !
મેં માની લીધું'તું કે પ્રેમની ભાષા નથી હોતી,
શબદ શણગારવા પડશે મને એની ખબર નહોતી.
વીતી જાશે જીવન અંધારના ઓછાયે ધાર્યું'તું,
દીવા પ્રગટાવવા પડશે મને એની ખબર નહોતી !
ફકત એક બૂંદની હો પ્યાસ કિન્તુ એ બુજવવાને,
સમંદર લાંગવા પડશે મને એની ખબર નહોતી !
-હિરેન ગઢવી
વચન પણ આપવા પડશે મને એની ખબર નહોતી !
પ્રણયનો હાથ પકડીને ભવેભવ પાર કરવા'તા-
કિનારા તાકવા પડશે મને એની ખબર નહોતી !
આ કેવો પ્યાર પામ્યો છું નિખાલસતા ગુમાવીને ?
રહસ્યો ઢાંકવા પડશે મને એની ખબર નહોતી !
હું પટ્ટી આંખ પર બાંધી ફિકરને નાથવા ગ્યો'તો-
કદમ સંભાળવા પડશે મને એની ખબર નહોતી !
મેં માની લીધું'તું કે પ્રેમની ભાષા નથી હોતી,
શબદ શણગારવા પડશે મને એની ખબર નહોતી.
વીતી જાશે જીવન અંધારના ઓછાયે ધાર્યું'તું,
દીવા પ્રગટાવવા પડશે મને એની ખબર નહોતી !
ફકત એક બૂંદની હો પ્યાસ કિન્તુ એ બુજવવાને,
સમંદર લાંગવા પડશે મને એની ખબર નહોતી !
-હિરેન ગઢવી
0 comments:
ટિપ્પણી પોસ્ટ કરો