મધરાતે સાંભળ્યો મોર!આજ મેં તો મધરાતે સાંભળ્યો મોર...

મધરાતે મોર
મધરાતે સાંભળ્યો મોર!
આજ મેં તો મધરાતે સાંભળ્યો મોર...

વાદળાં યે નહોતા ને ચાંદો ય ન્હોતો,
  ઝાકળનો જામ્યો તો દોર;
ઝાકળ ને માનીને વાદળનો વીંઝણો,
  છેતરાયો નટવો નકોર
આજ મેં તો મધરાતે સાંભળ્યો મોર...

આકાશી ઘૂંઘટ ઊઘાડી કોઈ તારલી,
  જોતી' તી રજની નું જોર,
વડલાની ડાળે બેઠેલ એણે ઓળખ્યો
  રંગોનો રઢિયાળો ચોર!
આજ મેં તો મધરાતે સાંભળ્યો મોર...

ઉષાની પાંપણ જ્યાં અધમીચી ઊઘડી,
  કાજળની કરમાણી કોર,
રંગ કેરં ફૂમતડા ફંગોળી મોરલે
   સંકેલી લીધો કલશોર
આજ મેં તો મધરાતે સાંભળ્યો મોર...

        -- ઈન્દુલાલ ગાંધી