મેં સાવ સુક્કી ધરતી ઉપર વાવી'તી ગઝલ-સંદીપ પૂજારા

મેં સાવ સુક્કી ધરતી ઉપર વાવી'તી ગઝલ
આવ્યું'તુ એક ઝાપટું ને ફૂટી'તી ગઝલ

ગગડી ગયા'તા ભાવ પછી તો શરાબના
મેં ઘુંટડે ઘુંટડે એટલી તો પીધી'તી ગઝલ

આયકર વિભાગ આવ્યું હતું છાપો મારવા
અહેવાલમાં ય એમણે બસ નોંધી'તી ગઝલ

રણને બનાવી સાગર એ તરતા થઈ ગયા
મેં જેનાં જેનાં કાન મહી રેડી'તી ગઝલ

એ પાનું ડાયરીનું હજી ખુશ્બુદાર છે
વાંચીને એણે એક વખત ચૂમી'તી ગઝલ

સંદીપ પૂજારા