❛જો નદી માટે તને આદર નથી,
તો પછી એ દોસ્ત ! તું સાગર નથી.
આ કંઈ પળવારની હરફર નથી,
એ ખરું કે કાયમી એક ઘર નથી.
કલ્પનાઓ ભોગવી તો જાણ થઈ-
વાસ્તવિકતા એટલી સુંદર નથી.
બોલી જાઉં છું સિફતથી જૂઠ પણ,
ટોકતો એ જણ હવે અંદર નથી !
અન્યની દૃષ્ટિ ઉપર સઘળો મદાર,
ખુદની દૃષ્ટિએ કોઈ બર્બર નથી.
એક ઊંડી ખાઈ છે સંબંધમાં,
આમ કંઈ ઝાઝું હવે અંતર નથી.
ઊંઘ નહિતર લડખડાવી ના શકે,
આપણું આ જાગરણ પગભર નથી !❜
0 comments:
ટિપ્પણી પોસ્ટ કરો